इन्द्रसरोवर गाउँपालिका वडा नं. १ मा रहेका कृषकको खेतवारीको अनुगमण, निरिक्षण तथा कृषक सँग अन्तरक्रिया कार्यक्रममा
इन्द्रसरोवर गाउँपालिका वडा नं. १ मा रहेका कृषकको खेतवारीको अनुगमण,
निरिक्षण तथा कृषक सँग अन्तरक्रिया कार्यक्रममा किसानहरुको खेतबारीमा
तपसिलका समस्याहरु देखा परेको र समस्या समधानको लागि तपसिल अनुसारका
सल्लाह सुझाव दिईयो ।
किबी बगैचामा देखिका समस्या र समधानका उपायहरु:
१. किबीमा फल लाग्ने तर झर्ने समस्याको लागि हल्का पानी परेको वा ओसिलो
समयमा सुक्ष्म पोषक तत्व क्याल्सियम र बोरोन २ ग्राम प्रतिलिटर पानीमा
मिसाएर बोटमा बेलुकीपख स्प्रे गर्ने ।
२. किवीमा भाले र पोथी बोट छुट्टाछुट्टै हुने भएकोहुँदा साधारणतया ५ देखि
८ वटा पोथी बोट बराबर १ वटा भाले बोट हुनुपर्छ भाले बोट थोरै भएकोहुँदा
परागसेचन राम्रोसँग नभएकोले फल राम्ररी नबढी फल झरेको ।
३. किबीमा काटछाँट प्राविधिक मपदण्ड अनुसार गरि सिफारिस दरमा मलखाद
प्रयोग गर्नुपर्ने र त्यस पश्चात किबीका बोटहरूमा ढुसी र ब्याक्टेरियाबाट
लाग्ने रोगहरूबाट बचाउन तथा बोटबिरुवालाई स्वस्थ राख्न बोर्डो मिश्रण
प्रयोग गर्नुपर्ने ।
गोलभेडामा लाग्ने टुटा किरा (Tuta absoluta) देखिका समस्या र समधानका उपायहरु:
१. कीराले खाएर सेता भएका पातहरू, मुनाहरू र दूषित फलहरू टिपेर खाल्डोमा
गाड्ने वा जलाउने त्यस पछि फेरोमोन पासो (Pheromone Traps) भाले पुतलीलाई
आकर्षित गरी मार्न प्रति रोपनी ५ वटाका दरले फेरोमोन पासो वा ल्युर
प्रयोग गर्ने साथै टुटा ट्रयाप प्रयोग गर्ने
२. बालीचक्र अपनाउने: सधैँ एउटै जग्गामा गोलभेडा वा सोही परिवारका
(भन्टा, आलु आदि) बाली नलगाएर बाली फेरबदल गरि लगाउने साथै जैविक विषादी:
Bacillus thuringiensis, निममा आधारित विषादी Azadirachtin ३ देखि ४ ML
प्रति लिटर पानीमा मिसाएर नियमित प्रयोग गर्ने। र गहुँत पानी १ भाग गाईको
गहुँतमा ५ भाग पानी मिसाएर ५/५ दिनको फरकमा बोटमा छर्नाले पनि केही
हदसम्म सहयोग पुग्नेछ ।
३. माथि उल्लेखित उपायहरूले काम नगरेमा र कीराको प्रकोप धेरै नै बढेमा
कृषि प्राविधिकको सल्लाहमा मात्र सिफारिस गरिएका सुरक्षित रासायनिक
Emamectin benzoate, Chlorantraniliprole , Spinetoram / Spinosad,
Indoxacarb आदी विषादीहरू प्रयोग गर्ने ।
भान्टा बालीमा देखिका समस्या र समधानका उपायहरु:
१. भाण्टाको गबारोबाट संक्रमित भाण्टाका टुसा र फल हटाउने वा गहिरो खाडलमा
गाड्ने वा सुरक्षित रूपमा नष्ट गर्ने।
२. विभिन्न फेरोमेन ट्रयाप प्रयोग गर्ने साथै जैविक विषादी Bacillus
thuringiensis, निममा आधारित विषादी Azadirachtin ३ देखि ४ ML प्रति लिटर
पानीमा मिसाएर नियमित प्रयोग गर्ने।
३. कीराको प्रकोप धेरै नै बढेमा कृषि प्राविधिकको सल्लाहमा मात्र सिफारिस
गरिएका सुरक्षित रासायनिक विषादीहरू प्रयोग गर्ने
